X
تبلیغات
قارا بالیق

دوشنبه 1391/06/20




وئبلاگین آرشیویندن سئچدیییم ایکی غزل



یورولمورسان او قانلی تیغی سیلمکدن

ومن هر گون سنه قوربان کسیلمکدن

قانیرسان ایندی قان احساسیمی ای گول

نه یه لازیم اولند ه ن سونرابیلمکدن

 سنی من ترک ائدم ترک ائتمه ره م حتی

بو سئوگیله سوکولسم ایلمک ایلمکدن

سیز اینسان آدلانانلارسیز اینانین کی

قورو داش جانلانار سئومک سئویلمکدن

آغاجدان "رندی" سن اوفتاده لیک اویر ن

گتیرسن بارشان آرتار اییلمکدن

                                           عبدالله صمدی "رندی ماکویی"


 

خان چوبان چال نئیی یای داغ داشا ائللر سوزونو

سارالارحسرتینی دالغالی سئللرسوزونو

چال عاشیق سن ائلیمین سینه ده کی نیسگیلی سن

سویله سین زخمه له نن سازداکی تئللر سوزونو

ائلیمین وارلیغی تاریخ بویو پارلاق گورونور

یاداسالدیقجاحقیقت ایته ن ایللرسوزونو

ظولمه قارشی دایانان سرداری آلقیشلایاراق

اونودولماز دئیه ازبرله دی دیللرسوزونو

ایمه باش اوزگه یه ائل دردینی گل سویله "ووقار"

قوی اورکلرده یاشاتسین بو نسیللر سوزونو

                                                                  ۱۳۷۲

 

 

 

 

یازار م.ووقار در 0:10 |  ثابت لینک   • 

پنجشنبه 1391/06/02


حق هو


آزربایجانیمیزین یامان گونلریدیر و "جانیمیزا دولوب مین درد مین قادا". اوره ییمدن نه لر کئچدیینی یالنیز آغلایا بیلیرم خیالیمدا مین بیر نیسگیل یاراسی ،مین بیر یازیلمامیش شئعیر . گزدییم یئرلرین خاطیره سی یاشادیغیم تورپاغین آغیر - آغیر ...

نه دئییم من توتولور دیل ده ،دوداق دا

بورویور سینه می توتقون بیر حیسس


بیرگون منه سئوگی شعری گوندرن "صمدی" بیرگون ده منه نیسگیل توحفه سی اولور ، کدره بورونموش بیر غزل.



عزیز قارداشیم ایکی گوزوم,بیرشعر کیمی بیرشی تله سیک یازدیم زلزله فاجیعه سی نین سارسیتیجی تاثیری التدا اما بیرده اوخویوب ائدیت ائتمه یینه کافام یول وئر میر زحمتی سنین.

یئر داشیب , گوی قاریشیب , فاجیعه  سونبول لندی
یئنه "اورموگولونه" دوندو گوزوم   گول لندی

یئنه تاخدی "قاراداغ" سول دوشونه تازه ناخیش
بویانیب "قیرمیزی" یا "آغ لچکی" گول لندی

گور نه تاثیر ائله دی  گوزیاشینین  دالغالاری
"آرپاچای" آشدی "آراز" داشدی "خزر" سئل لندی

تکجه گوزقیرپیمی گوزلوردو  فلک  قان قوپارا
"ده ن" قاریشدی  "سامانا" ساوریلاراق  یئل لندی

  آینادان   آیدین اولان  گوزلرینی   توز باسدی
نئجه  "آیدان آری نوردان دوروموز "  لیل لندی

"قوشاتونقال" قالایا  "ورزغان"  "آرموت ساتانی"
"شاهسون" تک  "ساوالان"  ذیروه سینه  میل لندی

ائلیمین حاق نفسی قویمادی باتسین " گمی " میز
هر طرفده ن اسه ره ک ,  یئلکه نیمیز  یئل لندی

سای سیز    ال لر اوزانیب دیر توتالار اللرینی
بیر "بویوک ائل"  اولاراق وارلیقیمیز  بیل لندی

شعرینی باسدی کدر ,  چولقالادی غم  " رندی "!
نیسگیل  اوسته  قالادی نیسگیلی  نیسگیل لندی
حورمتلریم له:رند24/05/1391تهران





بیرگون ده ودود دوستی جنابلاری بئله یازمیشدی:

"قورتارآللاه بیزی بوفیرتینالی گونلردن
ائلیمین بوی - بوخونو قان خینالی گونلردن"

آنجاق:

قورودو گوزلری ، قورودو گولو
تیتره ییب اوره یی ، یئر دیله گلدی


باشین ساغ اولسون وطن ! گله جه یینه دوشون !




بو دا "نادیرایلاهی "نین قوشماسی

یئر تیتره دی، داغلار داشلار     لاخلادی

سن ده  تیتره، سن ده  لاخلا،  آقارداش

بیز یوباندوخ....... اؤلوم  سنی  یوخلادی

چیی کرپیچ له، چیی سوواقلا، آقارداش

 

طالع     طالع    ییخیلان     دامداشیندی

اورموگولو،  قوروچای   گؤز      یاشیندی

گؤرورسن کی    اؤز الین   اؤز باشیندی

اؤز یارانی      اؤزون باغلا،       آقارداش

 

گؤز آچاندان    اونا بونا    آغلادین

یاغا  یاغا،      یانا یانا      آغلادین

آتا آتا،            آنا آنا        آغلادین

اؤزونه ده  بیرگون آغلا، آقارداش

 

بو قونشونون     اویما  یالان     فیتینه

بویانماسین    قوی کورکوموز   بیتینه

او توی   توتسون   پیشیگینه     ایتینه

سن یاسینی  اؤزون ساخلا،  آقارداش

 

یاسا     چاغیر    اردبیلی     موغانی

ناله نی،    شووه نی،   آهی   فغانی

غریب   اؤله ن    هریسی     ورزقانی

اؤزون اوخشا،   اؤزون آغلا،   آقارداش



بیر یازی آزربایجان وزلزله چئوره سینده




 










یازار م.ووقار در 0:17 |  ثابت لینک   •